Mayo 29, 2023

Ebanghelyo: Marcos 10:17-27

At nang palakad na siya, isang tao ang patakbong sumalubong sa kanya at paluhod na nagtanong: “Mabuting guro, ano ang dapat kong gawin para magmana ng buhay na walang hanggan?”

Sumagot sa kanya si Jesus: “Bakit mo ako tinatawag na mabuti? Walang mabuti kundi ang Diyos lamang. Alam mo ang mga utos: (in italics) Huwag papatay, huwag makiapid, huwag magnakaw, huwag manirang­puri sa kapwa, huwag mandaya, igalang ang iyong ama at ina.” Sinabi sa kanya ng tao: “Sinunod ko ang lahat ng ito mula pagkabata, ano pa ang kulang ko?”

Kaya tinitigan siya ni Jesus at minahal siya, at sinabi: “Isa ang kulang sa iyo. Umuwi ka at ipagbili ang lahat ng iyo at ibigay sa mga dukha, at magkakaroon ka ng kayamanan sa Langit. At saka ka bumalik para sumunod sa akin.”

Pinanghinaan ng loob ang tao sa salitang ito at umalis na malungkot sapagkat napakayaman niya.

Kaya tumingin si Jesus sa paligid at sinabi sa kanyang mga alagad: “Napakahirap ngang makapasok ang mga may kayamanan sa kaharian ng Diyos.” Takang­taka nga ang mga alagad dahil sa pananalitang ito. Kaya muling sinabi ni Jesus sa kanila: “Mga anak napakahirap pumasok sa kaharian ng Diyos! Oo, mas madali pa para sa kamelyo ang lumusot sa butas ng karayom kaysa pumasok ang isang mayaman sa kaharian ng Diyos.”

Lalo pang namangha ang mga alagad at nag­-usap­-usap: “Kung gayon, sino ang maliligtas?” Tinitigan sila ni Jesus at sinabi: “Imposible ito para sa tao pero hindi para sa Diyos; lahat ay posible para sa Diyos.”

Pagninilay

Ngayo’y pinagdiriwang natin ang pagiging Ina ng Simbahan ni Maria. Si Maria ang pinaka­unang alagad sapagkat tinanggap niya ang Salita ng Diyos at ito’y isinilang niya. Iningatan niya ang lahat niyang nasaksihan sa buhay ni Jesus. Sa paanan ng krus, ihinabilin ni Jesus ang kanyang ina sa kanyang minamahal na alagad. Sa araw ng Pentekostes, naroroon si Maria kasama ng mga alagad ni Jesus sa isang silid, pumanaog ang Espiritu Santo at pinasinayaan ang Simbahan. Kasama natin tuwina si Maria sa ating paglalakbay bilang Simbahan. Kung kaya’t atin g ilapit ang atin g mga sarili kay Maria bilang ina, sa ating mga debosyon sa kanya. Siya ang ating ina. Siya ang ating tagapamagitan. Bumaling tayo sa kanya sapagkat ang ina sa tuwina ay nangangalaga at kuma kalingang may pag­-ibig sa kanyang mga anak.

© Copyright Pang Araw-Araw 2023